Велигденски хуманитарен базар - 1
Пон, 22/4/2024
| Денес во нашето училиште по повод претстојниот празник Велигден се одржа Велигденски хуманитарен базар на кој учествуваа сите ученици од одделенска и предметна настава и нивните наставници. Учениците со помош на своите наставници подготвија шаренолики велигденски штандови на кои се најдоа разни украси, велигденски изработки и аранжмани, вкусни пити, пецива и слатки десерти. Велигденскиот хуманитарен базар беше организиран во соработка со Црвен крст на Република Северна Македонија - Општинска организација Гази Баба и тимот ЦКА - ПХВ од нашето училиште, а собраните финансиски средства се наменети за хуманитарни цели. Голема благодарност до сите родители кои се вклучија во овој хуманитарен настан. |
