Тродневна екскурзија на 9 одделение - Западна Македонија - 1

Во периодот од 13.05. до 15.05. 2024 година учениците од 9 одделение беа на својата полуматурантска тродневна екскурзија низ Западна Македонија.

Учениците имаа можност да посетат многу значајни културно-историски споменици и локалитети: Маврово, Бигорски манастир, манастир Рајчица и Вевчани и вевчански извори.

Во Охрид и околината ги посетија: манастирот Свети Наум, наколната населба Заливот на коските, црквите Св. Канео и Света Софија, а уживаа и во убавините на Охридското езеро гледано од Плаошник.

Прошетката низ стариот дел на Охрид беше заокружена со разгледување на старата охридска архитектура, Куќата на Робевци, амфитеатарот, како и со кафе дружба во охридската чаршија.

Целата екскурзија помина во прекрасна атмосфера, дружба и забава и учениците уживаа во прекрасните моменти.