Саем на средни училишта

Денес нашите ученици од 9 одделение имаа можност да присуствуваат на Саемот на средни училишта што се одржа на плоштад Македонија.

Во рамките на Саемот, кој ќе се одржува на 17 и 18 мај, идните средношколци ќе имаат одлична можност да остварат непосредна комуникација со наставниот кадар и стручните служби на училиштата, да се запознаат со различните наставни и воннаставни активности, како и со образовните струки и профили кои ги нудат.

Воедно на плоштадот Македонија имаше музичко забавна програма во изведба на неколку средношколски музички бендови и солисти, како и настап на фолклористи од ДКЦ Карпош.

Учениците уживаа во дружбата со своите идни постари соученици од разни средни училишта.