Препораки за вработените, учениците и родителите за заштита од топлото време
📢 Почитувани, Институтот за јавно здравје и Министерството за здравство ви ги посочуваат следниве препораки за заштита од топлото време: ☀️🌡️
-
☀️ Избегнувајте директно изложување на сонце и активности на отворено во периодот од 11:00 до 17:00 часот.
-
👕 Носете светла и лесна облека, а на директно сонце заштитни очила и светлобојна капа со висок свод и широк обод. 🕶️🧢
-
🏢 Останете во затворени и климатизирани простории. ❄️
-
🌳 При неопходен престој на отворен простор во овој период, најдете можност за почести одмори под сенка и избегнувајте директен престој на сонце.
-
🪟 Затворете ги прозорците и ролетните во текот на денот, а отворете ги навечер, кога температурата е пониска. 🌙
-
🥗 Внесувајте умерена количина храна. Избегнувајте масна и висококалорична храна како и храна која содржи голема количина на шеќер. 🙅♂️🍩
-
🚰 Внесувајте доволно течности во текот на целиот ден, без да чекате да почувствувате жед. Најдобар избор е водата за пиење, а може да се консумираат и минерални безалкохолни пијалаци. Избегнувајте алкохолни пијалаци, пијалаци што содржат кофеин и многу ладни пијалаци. ❌☕🍹
-
🚗 Кога сте во паркирано возило, отворете го прозорецот со цел да овозможите вентилација. Целосно затворените возила стануваат многу жешки. Не оставајте никого во возилото! ⚠️
-
🚿 Туширајте се со млака вода по потреба. За дополнително разладување, ставајте ладни облоги или потопете ги стапалата во ладна вода. 🦶💧
-
🧑⚕️ Лицата со хронични болести, особено оние со болести на кардиоваскуларниот систем, невролошките и белодробните болести, потребно е да бидат посебно дисциплинирани по однос на овие препораки и да ја земаат својата редовна терапија. За сите промени во здравствената состојба, задолжително да го консултираат својот матичен лекар. 💊
Поврзани содржини