Денес на 15.05.2025 година по повод Неделата на Црвениот крст, која се одбележува од 8 до 15 мај, во нашето училиште се одржа крводарителска акција под мотото ,,Секој крводарител е херој!”.
Акцијата беше реализирана во соработка со Црвен крст на Република Северна Македонија – Општинска организација Гази Баба и Институтот за трансфузиона медицина на РСМ.
Во овој хуман и благороден подвиг се вклучија вработените од ООУ ”Крум Тошев”, родителите на нашите ученици, како и локалните жители и соработниците на училиштето.
Голема благодарност до сите што се вклучија во оваа крводарителска акција и со својот гест ќе помогнат да се спасат многу човечки животи.
Училиштето на сите крводарители ќе им додели Благодарница и скромен подарок за сеќавање на овој благороден и хуман настан.
Секој крводарител е херој, а сите вие сте наши ХЕРОИ!