Заедно со Амбасадорот на Унгарија во Република Македонија Н.Е Андраш Клајн, утрово по повод одбележувањето на 15-ти Март, Националниот ден на Унгарскиот народ, Градоначалникот на Општина Гази Баба г-дин Бобан Стефковски положи свежо цвеќе пред споменикот на Лајош Кошут истакнат унгарски правник, политичар и вршител на должноста претседател на Кралството Унгарија.

Општина Гази Баба негува одлична соработка со Унгарската амбасада и за таа цел е изграден парк на унгарско – македонско пријателство во Урбаната заедница Триангла.

Во рамки на одбележувањето на националниот ден во училиштата во општина Гази Баба се одржа литературен и ликовен конкурс и најдобрите три творби и цртежи кои беа изработени од учениците беа наградени.

Честитки за нашиот ученик Теодор Радевски од 9-1 одд. кој освои ПРВО МЕСТО на ликовниот конкурс и неговиот ментор Јулија Никовска Пешевска.