Во нашето училиште, на 26.05. 2025 година на часот по француски јазик кај наставничката Каролина Димовска, се одржа атеље работилница со францускиот стрип артист Виктор Дулон – Виду, во соработка со Францускиот институт од Скопје на тема создавање на дигитален стрип на иновативен и креативен начин следејќи ги современите трендови.

Виктор Дулон – ВИДУ е концептор на видеоигри и доаѓа од Бордо, Франција. Работел во многу компании на различни позиции – од 3Д моделирање до предавач на Школата за видео анимации во Бордо. Во неговата кариера има остварено низа соработки со познати продукциски куќи, меѓу кои е и неговиот ангажман, од 2019 до 2022 година, за славните Марвел комикс и нивниот проект „Видео-комикс“, каде создаваат спој помеѓу стрипот и видео игра.

Инаку, добитник е на првата награда за најдобар стрип на Стрип-фестивалот во Ангулем, во 2017 година.

Учениците уживаа во работилницата и имаа можност на своите телефони да креираат свои стрипови.

Голема благодарност до Институтот за француски јазик кој ни ја овозможи оваа прекрасна работилница.