На 21.11.2023 година под покровителство на Општина Гази Баба специјалист ортодонт Др. Марија Караѓозова од специјалистичка ординација по ортодонција Др. „Караѓозова Ивановска“ која се наоѓа во Општина Гази Баба, подготви едукативно предавање на тема „Волшебната ортодонција – дел од превенцијата на дентофацијалниот систем“.

Предавањето е во соработка со Општина Гази Баба и има за цел да се информираат и запознаат учениците од VIII и IX одделение со превенцијата и правилниот раст и развој на оралофацијалниот систем.

По предавањето беа поделени едукативни флаери со 15 златни правила за орално здравје како и хигиенски помагала за орална хигиена обезбедени од општина Гази Баба.