ООУ Крум Тошев

Денес во нашето училиште беше одбележан Светскиот ден на планините со едукативно предавање и презентација на тема: Планината е училница без ѕидови, за учениците од петто одделение од страна на одделенската наставничка Билјана Димитриевска.
Учениците проследија видео презентација и истовремено одблиску имаа можност да видат какви планинарски обувки, облека и алати постојат.
Наставничката Билјана е инаку долгогодишен член на планинарското друштво Огнените од Скопје и им објасни на учениците, кога сите видови ракавици, чевли, чизми, јакни и стапчиња се користат , во какви услови која облека се носи и со кои алати се служат планинарите.
Учениците возбудени ги разгледуваа облеките и демонстрираа меѓусебе како изгледа еден планинар.
Учениците научија и дека природата ни е пријател и ако ја чуваме чиста и жива, ќе ни возврати со убавина, здравје и мир.