Денес 13.05.2025 г. во нашето училиште се реализираше спортска активност во соработка со Кошаркарската Федерација на Северна Македонија која е активен учесник во проектот на Меѓународната Кошаркарска Федерaција (ФИБА) насловен како “Her World, Her Rules”. Целта на овој проект е да го поттикне психофизичкиот развој кај најмладите девојчиња со заложба за обезбедување на квалитетно физичко воспитување преку кошарката.

Проектот се реализира преку низа активности, наменети за девојчиња од најмлада училишна возраст (6 -10) години.

Пред почетокот на тренингот директорката на училиштето потпиша Меморандум за соработка со Кошаркарска Федерација на Северна Македонија.

Од нашето училиште во спортската активност учествуваа ученичките од трето, четврто и петто одделение, кои добија маици со логото на проектот и вовед во основите на кошарката. Тренингот беше одржан од страна на репрезентативка Ивана Кметовска, која беше во улога на кошаркарски амбасадор и тренерот Томи Спасовски. Воедно на тренингот присуствуваа и наставничките по физичко и здравствено образование и сите останати ученици од прво до петто одделение, кои го следеа тренингот како публика.

Сите ученици уживаа во овој преубав и несекојдневен спортски настан.