Денес 09.06.2025 година градоначалникот Бобан Стефковски свечено ги затвори училишните спортски лиги во Општина Гази Баба, прославувајќи уште една успешна спортска година исполнета со енергија, фер-плеј и тимски дух.

Во текот на учебната година, повеќе од 450 ученици од основните и средните училишта од нашата општина се натпреваруваа во различни категории на спортови – вклучувајќи фудбал, кошарка, ракомет, атлетика и уште многу други.

На завршната манифестација им беа доделени медали, пехари и дипломи на најуспешните екипи и поединци кои со својот труд и посветеност ја направија оваа спортска година посебна и инспиративна.

Благодарност до наставниците по физичко и здравствено образование, Мартина Николова, Елена Арсовска и Јана Настевска, кои преку својата несебична посветеност и ангажираност, како и преку нивното здружување во Сојузот на училишен спорт Гази Баба, овозможија реализација на голем број активности и спортски натпреварувања. Тие се срцето на оваа иницијатива и двигател на спортскиот дух кај младите генерации.

Општина Гази Баба останува посветена на поддршката и унапредувањето на училишниот спорт како важен сегмент од воспитно-образовниот процес и развојот на здрави и активни млади луѓе.

Од нашето училиште наградени беа:

– Давид Атанасовски од 4-1 одд. – шах- прво место,

– тимот за полигонски игри од 3 -1/2 одд. – второ место,

– тимот во одбојка женски – од 6 до 9 одд. – трето место.