Денес во нашето училиште се одржа обука за наставниците на тема Примена на ВИ во наставата во основно училиште, која ја реализираа наставниците: Росица Тодоровска, Ирена Камчева Младеновска, Филип Ацевски и Гоце Петровски.
Во текот на првото полугодие посочените наставници посетија неколку обуки и семинари за примена на вештачка интелигенција (ВИ) и стекнатите знаења и искуства ги споделија со своите колеги преку едукативно предавање и презентација.
Со посета на обуки, семинари и конвенции се вложува во професионалниот развој на наставниот кадар, кој понатаму своите новостекнати знаења ги пренесува на своите ученици.