Нашето училиште ООУ Крум Тошев – Трубарево е целосно подготвено за стартот на новата учебна 2025-2026 година.

Во текот на летниот период во училиштето беа реализирани повеќе работни активности со кои се подобрија просторно техничките услови во училиштето како за учениците, така и за вработените.

Стариот и дотрајан училишен инвентар во сите училници после многу години беше заменет со нови и удобни столици и клупи, за пријатна училишна работна атмосфера за учениците и наставниот кадар.

Најстарата училница од училиштето, низ која поминаа многу првачиња, беше целосно реновирана, а воедно се санираа и делови од оштетените ѕидови во училишните ходници и училници.

Во ученичките тоалети беа заменети нефункционалните пвц врати на тоалетите.

Низ сите училници се изврши контрола и штелување на пвц прозорците.

Потоа беше извршено генерално чистење на сите простории и замена на дотрајаните лед светилки низ училиштето.

Беше извршена дезинфекција, дезинсекција и дератизација на училиштето.

Во училиштето беа дистрибуирани и учебници за повеќе наставни предмети од МОН.

Техничкиот кадар во соработка со ЈКП Гази Баба 2007 го уредија училишниот двор, вршејќи косење и средување на зелените површини и хортикултурното уредување.

За сите првачиња беа дистрибуирани Плазма/Роса пакетчиња, донација од МОН, како и беа обезбедени подароци од училиштето – папки со училишен прибор.

За наставниот кадар беа реализирани обуки за поуспешна реализација на воспитно- образовниот процес и беа обезбедени голем број наставно образовни помагала.

За сите ученици од прво до деветто одделение и за оваа учебна година Општина Гази Баба обезбеди бесплатни ученички униформи и нивната дистрибуција е веќе во тек.

ООУ КРУМ ТОШЕВ – ТРУБАРЕВО на сите ученици, родители и вработени им посакува СРЕЌЕН ПОЧЕТОК!