Со учениците од предметна настава стручната служба во училиштето одржа едукативно предавање на тема Зависности. Учениците и стручниот соработник педагог Александра Цветковска, разговараа за различните видови зависности и нивното влијание врз здравјето, социјалниот живот и одлуките што ги носиме.
Целта на предавањето беше да се подигне свеста кај учениците, да ги охрабриме да препознаат ризични ситуации и да направат здрави избори кои водат кон безбедна и позитивна иднина.
Учениците активно учествуваа, поставуваа прашања и споделуваа свои размислувања. Токму таквата отворена дискусија поттикнува учениците да прават паметни и здрави избори.
Заедно учиме, растеме и правиме здрави избори.